सिरहामा परालले जलाएको अवस्थामा युवकको शव फेला

टुडेपाटी-
जनकपुरधाम, पुस १३ गते ।

सिरहामा जलाएको अवस्थामा एक युवकको शव फेला परेको छ । सिरहाको धनगढीमाई नगरपालिका ६ स्थित गागन खोला किनारमा परालले जलाएको अवस्थामा अन्दाजी २५÷२६ वर्षीय युवकको शव फेला परेको सिरहाका प्रहरी उपरीक्षक (एसपी) टेकुइवा लिम्बुले जानकारी दिए ।

उनका अनुसार आज बिहान ११ बजेतिर स्थानीयले अर्धकल्चो जलेको शवदेखेपछि प्रहरीलाई खबर गरेका थिए । मृतकको पहिचान खुल्न सकेको छैन । शव पोस्टमार्टमका लागि प्रादेशिक अस्पताल सिरहा पठाएको छ ।

Sponsored

घटनास्थलको प्रकृतिले हत्या गरेर हतारहतार जलाउने खोजेको हुन सक्ने प्रहरीको आशंका छ ।