विघौं जग्गामा लागइएको अवैध गाँजा खेती सिरहा र सर्लाही प्रहरीद्वारा नष्ट

टुडेपाटी-
जनकपुरधाम, मंसिर २५ गते ।

सर्लाही र सिरहामा विभिन्न स्थानमा विघौं जग्गामा लगाइएको अवैध गाँजा खेती प्रहरीले नष्ट गरेको छ । सर्लाहीको ईश्वरपुर नगरपालिका १२ पिपलदमार डाँडापाखामा गरिएको पाँच विघा अवैध गाँजा खेती सर्लाही प्रहरीले आइतबार प्रहरीले नष्ट गरेको छ ।

सर्लाहीका प्रहरी प्रवक्ता डिएसपी दिपेन्द्र पंजियार थारुको कमाण्डमा गएको २ जनाको टोलीले गाँजा फडानी गरी नष्ट गरिएको जिल्ला प्रहरी कार्यालय सर्लाहीले जनाएको छ ।

Sponsored

यस्तै सिरहा प्रहरीले जिल्लाको विभिन्न स्थानमा अवैध रुपमा लुकाएर लगाइएको गाँजाको १५ सय बोट आइतबार नष्ट गरेको छ । सिरहा सदरमुकाम, लहान, मिर्चौया, कर्जन्हा, धनगढीमाई लगायत स्थानमा लुकिचोरी लगाएको १५ सय गाँजाको बोट फडानी गरेको सिरहाका प्रहरी प्रवक्ता डिएसपी रविन्द्रराज पाण्डेले जानकारी दिए ।