मधेश प्रदेशः ब्राउन सुगरसहित एक युवक पक्राउ

टुडेपाटी–
सप्तरी, मंसिर २३ गते ।

सप्तरी प्रहरीले ब्राउन सुगरसहित एक युवकलाई पक्राउ गरेको छ ।

पक्राउ पर्नेमा सुरुङ्गा नगरपालिका ५ कुशाहा टोल बस्ने २७ वर्षीय उमेश चौधरी रहेको जिल्ला प्रहरी कार्यालय सप्तरीले जनाएको छ ।

शनिबार साँझ चौधरीलाई इलाका प्रहरी कार्यालय कडोरवानाबाट खटिएको प्रहरी टोलिले सुरुङ्गा ५ कुशाहा टोल सडकखण्डमा शंकाको आधारमा शरिर खानतलासी गर्दा उनले लगाएको जिन्स पेन्टबाट ०.३५ मिलिग्राम ब्राउन सुगर जस्तो पदार्थ बरामद भएको प्रहरी प्रवक्ता प्रहरी नायव उपरीक्षक ढुण्डीराज नेउपानेले जानकारी दिए ।

यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।