मधेश प्रदेशः बसले किचिएर एकजनाको मृत्यु

टुडेपाटी–
पर्सा, मंसिर १६ गते ।

बसले किचिएर पसाएमा एकजनाको मृत्यु भएको छ ।

मृत्यु हुनेमा सर्लाहीको रामनगर गाउँपालिका ६ सिसवा टोलका ३५ वर्षीय अभय झा रहेको प्रहरीले जनाएका छन् ।

पिकनिकको लागि पर्साको ठोरीमा गइरहेको ना ८ ख ४८६१ नम्बरको बसले किच्दा मोटरसाइकलमा सवार झाको मृत्यु भएको हो।

वीरगञ्ज महानगरपालिका १७ अलौ‌स्थित तिलावे पुल नजिकै वीरगञ्जबाट पोखरियातर्फ गइरहेको बा ७४ प ४५२८ नम्बरको मोटरसाइकल र विपरीत दिशाबाट आइरहेको ना ३५ प ६४०० नम्बरको मोटरसाइकल एकआपसमा ठोक्किँदा बा ७४ प ४५२८ नम्बरको मोटरसाइकलमा सवार झाको बसले किचिएर मृत्यु भएको वडा प्रहरी कार्यालय, श्रीपुरका प्रहरी निरीक्षक धर्मराज थिङले बताए।

ठक्कर दिने बस र चालक प्रहरीको नियन्त्रणमा रहेको छ ।