आर्मीलाई हराउँदै मधेश प्रदेश केपी ओली कपको च्याम्पियन

टुडेपाटी–
पोखरा, मंसिर १५ गते ।

पोखरामा सम्पन्न केपी ओली राष्ट्रिय टी–२० क्रिकेटको उपाधि मधेश प्रदेशले जितेको छ ।

त्रिभुवन आर्मी क्लबलाई ११ रनले हराउँदै मधेश प्रदेश च्याम्पियन बनेको हो ।

टस जितेर पहिले ब्याटिङ गरेको मधेशले ८ विकेट गुमाएर १३५ रन बनाएको थियो ।

जवाफ ब्याटिङमा आर्मीले ७ विकेटको क्षतिमा १२४ रन मात्रै बनाउन सक्यो ।

मधेशको तर्फबाट कप्तान हरिशंकर साहले ४ ओभरमा १९ रन दिएर ४ विकेट लिए ।