सिरहाबाट ब्राउन सुगरसहित दुई युवक पक्राउ

टुडेपाटी

जकपुरधाम, मंसिर १५ गते ।

सिरहाबाट लागूऔषध ब्राउनसुगरसहित दुई युवकलाई प्रहरीले पक्राउ गरेको छ । बुधबार राति करिब ९ बजे ४ ग्राम ब्राउनसुगर र डिजिटल तराजुसहित लहान नगरपालिका १ लोकतन्त्रचोकबाट दुईजनालाई प्रहरीले पक्राउ गरेको हो ।

पक्राउ पर्नेमा लहान नगरपालिका ११ बस्ने ३२ वर्षीय संजय चौधरी र २० वर्षीय अभिशेष चौधरी रहेको सिरहाका प्रहरी प्रवक्ता डिएसप िरविन्द्रराज पाण्डेले जानकारी दिए ।

शंका लागेर चेकजाँच गर्दा दुबैजनाको साथबाट ब्राउन सुगर र डिजिटल तराजुसहित इलाका प्रहरी लहानको टोलिले नियन्त्रणमा लिएको थियो ।

दुबैजनामाथि सिरहा जिल्ला अदालतबाट १० दिनको म्याद थप गराई ईलाका प्रहरी लहानको हिरासतमा राखेर थप अनुसन्धान गरिरहेको जिल्ला प्रहरी कार्यालय सिरहाले जनाएको छ ।