माघ ११ गते राष्ट्रिय सभाको निर्वाचन गर्ने सरकारको निर्णय

टुडेपाटी-
जनकपुरधाम, मंसिर १३ गते ।

राष्ट्रिय सभाको निर्वाचन अगामी माघ ११ गते गर्ने सरकारले निर्णय गरेको छ ।
आज बिहान बसेको मन्त्रिपरिषद् बैठकले राष्ट्रियसभाको रिक्त हुने पदमा माघ ११ गते निर्वाचन गर्ने निर्णय गरेको हो ।

सूचना तथा सञ्चार प्रविधिमन्त्री रेखा शर्माका अनुसार निर्वाचन आयोगसँगको परामर्शको आधारमा मिति निर्धारण गरिएको हो ।

आगामी फागुन २० गते राष्ट्रिय सभामा १९ सांसदको पद रिक्त हुँदै छ । राष्ट्रियसभा सदस्यहरूको पद रिक्त हुने एक महिना अगाडि नै निर्वाचन गराउनुपर्ने संवैधानिक व्यवस्था छ ।

आगामी फागुन २० मा एमालेका ९, कांग्रेसका ४ माओवादीका ३, एकीकृत समाजवादीका २, जसपाका १ र स्वतन्त्र सांसद १ जना गरी २० सांसदको पदावधि सकिन लागेको हो ।