मधेश प्रदेशः मोटरसाइकल दुर्घटनामा एकजनाको मृत्यु

टुडेपाटी–
सर्लाही, मंसिर ७ गते ।

सर्लाहीमा मोटरसाइकलको ठक्करबाट एकजना साइकल यात्रीको मृत्यु भएको छ ।

जिल्लाको रामनगर गाउँपालिका ६, सिसौटमा बुधबार साँझ करिब ७ बजेको समयमा बरहथवाबाट गडहीयातर्फ जाँदै गरेको बा ९१ प् ४२६९ नम्बरको मोटरसाइकलको ठक्करबाट गोडैता नगरपालिका ४ का ४५ वर्षीय अमिर खाँ हजारीको मृत्यु भएको प्रहरीले जनाएको छ ।

दुर्घटनामा परेर घाइते भएका हजारीलाई प्रादेशिक अस्पताल मलंगवामा प्राथमिक उपचार पश्चात थप उपचारको लागि वीरगञ्जतर्फ लग्दै गरेकोमा बाटोमै मृत्यु भएको सर्लाही प्रहरीले जनाएको छ ।

दुर्घटना पश्चात मोटरसाइकल चालक फरार भएको छ भने मोटरसाइकल प्रहरीको नियन्त्रणमा रहेको छ ।