मलेसियालाई हराउँदै टी–२० विश्वकप छनोटको सेमिफाइनलमा नेपाल

टुडेपाटी–
काठमाडौं, कात्तिक १४ गते ।

नेपालले टी–२० विश्वकप छनोट खेलमा मलेसियालाई हराउँदै सेमिफाइनलमा पुगेको छ ।

टस जितेर मलेसियाले दिएको १६६ रनको लक्ष्य नेपालले चार विकेटको क्षतिमा पुरा गरेको छ ।

नेपालका लागि कुशल मल्ल र कुशल भुर्तेलले आक्रमक ब्याटिङ गरे ।

मल्लले ३४ बलमा ७ छक्का र २ चौकासहित ६५ रन बनाए । ओपनर भुर्तेलले २५ बलमा ४ छक्का र ४ चौकासहित ४३ रन बनाएका थिए ।

नेपालको जितसँगै समूह ए बाट सेमिफाइनल पुग्ने अर्को टीम ओमान बनेको छ ।

ओमानले आजै बिहान सिंगापुरविरुद्ध जित निकालेको थियो । पराजयसँगै सिंगापुर र मलेसिया भने बाहिरिएको छ ।

बुधबार नेपाल र ओमानबीच समूह विजेता र उपविजेताका निम्ति प्रतिस्पर्धा गर्नेछन् ।

सेमिफाइनलमा नेपाल जिते आगामी वर्षमा हुने टी–२० विश्वकपमा नेपाल छनोट हुने छ ।