प्रिन्सिपल हत्या प्रकरण : एक महिलासहित तीनजना पक्राउ

टुडेपाटी-
जनकपुरधाम, कार्तिक १३ गते ।

बाराको कलैयास्थित बाल एकता इङ्लिस बोर्डिङ स्कुलका प्रिन्सिपल रुपेश स्वर्णकारको हत्या प्रकरणमा संलग्न तीन जना पक्राउ परेका छन् ।

एक महिलासहित तीनजना पक्राउ परेको बाराका प्रहरी प्रमुख सुरेश काफ्लेले जानकारी दिए।
उनका अनुसार पक्राउ परेका एक जनालाई जिल्ला प्रहरी कार्यालय ल्याइसकिएको र अन्य दुई जनालाई पक्राउ गरेर ल्याउँन लागिएको छ ।

दुई वटा मोटरसाइकलमा आएको अज्ञात समूहले स्वर्णकारमाथि सोमबार दिउँसो गोली प्रहार गरेको थियो।

उपचारका क्रममा उनको वीरगन्जस्थित बयोधा अस्पतालमा निधन भएको थियो। स्वर्णकारको आपसी रिसिबीका कारण हत्या भएको हुन सक्ने प्रहरीको अनुमान छ ।