टी-२० छनोट प्रतियोगिता : अर्ना वियरले प्रत्येक रनको १ हजार, छक्काको २० हजार दिने

टुडेपाटी-
काठमाडौं, कार्तिक १२ गते ।

टी-२० विश्वकपको एसिया छनोटमा अर्ना वियरले नेपाली खेलाडीका लागि नगद पुरस्कार घोषणा गरेको छ ।

टी–२० विश्वकप छनोटमा नेपालका खेलाडीले बनाउने प्रत्येक रनको १ हजार, चौकाको थप १० हजार, छक्काको थप २० हजार रुपैयाँ दिने अर्ना वियरले घोषणा गरेको हो ।

त्यस्तै बलिङतर्फ एउटा डट बल बराबर १ हजार, मेडन ओभरको १० हजार र हरेक विकेटमा २५ हजार रुपैयाँ दिने घोषणा गरेको हो ।

अर्ना बियरले गत भदौमा भएको एसिया कप क्रिकेटमा चौका, छक्का र विकेट लिने खेलाडीलाई पुरस्कार दिएको थियो ।

टी–२० विश्वकपको एसिया छनोट भोलि सोमबारदेखि काठमाडौंमा सुरु हुँदै छ ।