मुन्नी मिश्रि भलिबलको फाइनलमा कटरैत र गौरहन्न भिडदै

गणेश कुमार सिंह–

गौशाला,कार्तिक १० गते ।

महोतरीको कान्तिबजारमा जारी दोश्रो ‘स्व. मुन्नी मिश्रि स्मृती पुरुष भलिबल प्रतियोगिता २०८०’ को फाइनलमा धनुषा र महोतरी प्रतिस्पर्धा हुने भएको छ ।

शुक्रबार भएको पहिलो क्वाटर फाइनलमा आयोजक सामुदायिक विकास युवा क्लबलाई पराजित गर्दै गोरहन्न महोतरी फाइनलमा प्रवेश गरेको हो । गोरहन्नाले आयोजक सामुदायिक विकासलाई लगातार वेष्ट ५ सेटमा ३ सेटले पराजित गरेका थिए ।

दोश्रो सेमिफाइनल खेलमा सतनाम युवा क्लब बसनिया सर्लाहीलाई कटरैत भलिबल क्लब धनुषाले पराजित गरेको हो । सामुदायिक विकास युवा क्लबको आयोजनामा बुधबार देखि कान्तिबजारमा सुरु भएको दोश्रो‘स्व. मुन्नी मिश्रि स्मृती पुरुष भलिबल प्रतियोगिता २०८०’मा १६ टिम सहभागि थिए ।

खेलमा प्रथम पुरस्कार २१ हजार र द्धितीय पुरस्कार ११ हजार नगर पुरस्कार रहेको छ । फाइनल खेल शनिबार १ बजे देखि हुने छ ।