धनुषाले जित्यो प्रदेश स्तरीय महिला कबडीको उपाधि

टुडेपाटी
जनकपुरधाम, कार्तिक ५ गते ।

धनुषाको बटेश्वरमा आयोजित प्रदेश स्तरीय महिला कबडी प्रतियोगिताको उपाधि धनुषाले जितेको छ । शनिबार भएको फाइनल खेलमा रौतहटलाई २६ अंकले पराजित गर्दै धनुषाले पहिलो उपाधि हात पारेको हो ।

निर्धारित खेल अवधिमा धनुषाको टीमले ४४ अंक बनाएर जित हात पर्दा रौतहट टीम १८ अंकमै सिमित हुन पुगे ।
धनुषा टिमले प्रतियोगिताको पहिलो पुरस्कार नगद ५१ हजार प्राउन सफल भयो भने रौतहट दोस्रो पुरस्कार २५ हजार रुपैयाँ नगद प्राप्त गरेको छ । यस्तै सर्लाही टिम प्रतियोगितामा तेस्रो स्थान ल्याएर १२ हजार नगद पुरस्कार जितेको छ । विजेता टीमहरुलाई बटेश्वर गाउँपालिका अध्यक्ष राअशिष महतो, शिव शक्ति युथ क्लबका अध्यक्ष दिनेश साह र वडा नम्बर ४ का अध्यक्ष निरज कार्कीले संयुक्त रुपमा पुरस्कार प्रदान गरेका थिए ।

Sponsored

स्थानीय शिवशक्ति युथ क्लबको आयोजना तथा बटेश्वर गाउँपालिका वडा नं. ४ कार्यालयको आर्थिक सहयोगमा तीन दिवसीय प्रदेश स्तरीय महिला कबडी प्रतियोगिता बिहीबार सुरु भएको थियो । प्रतियोगितामा आठवटा जिल्लाका टिम भाग लिएका थिए ।