म को हुँ तिम्रो ? (कविता)

लेखक: राजिव झा (धनुषा, नेपाल)

तिमी गीत,
तिमी संगीत,
तिमी हौ मेरो मनको मित !

तिमी सुर,
तिमी ताल,
तिमी हौ मेरो लागि तराई, पहाड, हिमाल !

तिमी रंग,
तिमी होली,
तिमी हौ मेरो दिवालिको रंगोली !

तिमी धर्म,
तिमी इमान,
तिमी हौ मेरो गीता, बाइबल, कुरान !

तिमी हावा,
तिमी बतास,
तिमी हौ मैले लिने हरेक स्वास !

तिमी जुन,
तिमी तारा,
तिमी हौ मेरो लागि आकाशगंगा सारा !

तिमी समुद्रको लहर,
तिमी सपनाको शहर,
तिमी हौ मेरो सम्पूर्ण रहर !

तिमी उदाएको घाम,
तिमी मैले पाएको इनाम,
तिमी नै हौ मेरो जिन्दगि तमाम !