प्रदेश २ मा ९६ कोरोना संक्रमित
टुडेपाटी-
जनकपुरधाम, बैशाख ३१ गते ।
प्रदेश २ मा हालसम्म देशकै सबैभन्दा बढी ९६ जना कोरोना संक्रमित फेला परिसकेका छन् ।
नेपालमा हालसम्म २१९ जना कोरोनाभाइरस संक्रमित फेला परेकोमा ९६ जना प्रदेश २ कै रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार यसमध्ये १७६ जना पुरुष र ४३ जना महिला रहेका छन् । प्रदेश अनुसार प्रदेश १ मा ३५, प्रदेश २ मा ९६ जना, बागमती प्रदेशमा ९ जना, गण्डकी प्रदेशमा २ जना, प्रदेश ५ मा ७२ जना, सुदूरपश्चिम प्रदेशमा ५ जना संक्रमित फेला परेका छन् ।
आज कपिलवस्तुका २२ वर्षीय पुरुष र बाँके जिल्लाका ३६ वर्षीय पुरुषमा संक्रमण भेटिएको छ ।
यता, बुटवलमा उपचारका क्रममा रहेका २५ वर्षीय पुरुष ११ औँ दिनमा चितवनमा ६३ वर्षीया महिला २६ औँ दिनमा डिस्चार्ज भएका छन् । योसँगै कुल डिस्चार्ज हुनेको संख्या ३५ पुगेको छ ।
Sponsored