धनुषामा ट्याक्टर दुर्घटना हुँदा एकजनाको मृत्यु, एक घाइते
टुडेपाटी-
जनकपुरधाम, असोज २७ गते ।
धनुषाको बटेश्वर गाउँपालिका-२ स्थित सडकमा ट्याक्टर दुर्घटना हुँदा एकजनाको मृत्यु भएको छ । अन्य एकजना गम्भीर घाइते भएका छन् ।
ज.१ त ८६७१ नम्बरको ट्याक्टर अनियन्त्रित भएर दुर्घटना हुँदा ट्याक्टरमा सवार महोत्तरी भङ्गाहा नगरपालिका-३ सीतापुर बस्ने ३५ वर्षीय पहाडी सदाको घटनास्थलमै मृत्यु भएको हो ।
Sponsored
दुर्घटनामा गम्भीर घाइते भएका १ जनालाई उपचारको लागि न्यूरो अस्पताल जनकपुर पठाइएको छ । हाल फरार ट्याक्टर चालकको खोजी कार्य भइरहे प्रहरीले जनाएको छ ।
