विवास्पद धर्मगुरु श्रीनिवास पाँच सय रुपैयाँ जरिवाना तिरेर रिहा

टुडेपाटी-
जनकपुरधाम, असोज १८ गते ।

विवास्पद धर्मगुरु श्रीनिवास आचार्यलाई जिल्ला प्रशासन कार्यालय धनुषाले पाँच सय रुपैयाँ जरिवाना गरी रिहा गरेको छ । उनीमाथि जिल्ला प्रशासन कार्यालय धनुषामा सार्वजनिक शान्तिविरुद्धको कसुर मुद्दा दर्ता भएको थियो ।

उनलाई पाँचसय रुपैयाँ जरिवाना गरी आज साँझ रिहा गरिएको धनुषाका प्रहरी प्रहरी प्रवक्ता डिएसपी रञ्जन अवाले जानकारी दिए ।
असोज १२ गते जनकपुरधाममा भएको गौहत्याको विरुद्धको जुलुसको कोणसभामा उनले खुकुरी देखाउँदै गौहत्या गर्नेलाई खुकुरीले छप्काइदेउ भन्ने उत्तेजक अभिव्यक्ति दिएका थिए । सोही आरोपमा सुन्सरी प्रहरीले उनलाई पक्राउ गरेको थियो ।

Sponsored

जनकपुरधाममै हिंसा भड्काउने उत्तेजक अभिव्यक्ति दिएको भन्दै कारबाहीको लागि बुधबार साँझ जनकपुर ल्याइएको थियो ।
यसअघि २०७४ चैत २५ मा आफ्नै पाखुरामा गोलि हान्न लगाएको आरोपमा समेत उनी पक्राउ परेका थिए ।