धनुषा प्रहरीद्वारा लाखौँको पटाका बरामद

टुडेपाटी–
जनकपुरधाम, असोज १७ गते ।

चाड पर्व नजिकिएसँगै धनुषा प्रहरीले लाखौँको पटाका बरामद गरेको छ ।

प्रहरीले मंगलबार मध्यान्ह जिल्लाको बिदेह नगरपालिका २ सलैता गाछि स्थितमा भारतबाट विभिन्न किसिमका १०२ ब्याण्डल पटाका ल्याउँदै गरेको अवस्थामा बरामद गरेको छ ।

मोटरसाइकलमा पटाका ल्याउँदै गरेकोमा इलाका प्रहरी कार्यालय दुहवी धनुषाबाट खटेको गस्ति टोलीलाई देखेर पटाका फाली मानिस फरार भएको जिल्ला प्रहरी कार्यालय धनुषाले जनाएको छ ।

बरामद गरिएको पटाका अन्दाजी १ लाख ९३ हजार २ सय बराबरको रहेको प्रहरीले जनाएका छन् ।