समाजसेवी कृषि सहकारी संस्थाको १६ औं साधारणसभा सम्पन्न

टुडेपाटी-
जनकपुरधाम, असोज १४ गते ।

धनुषाको बटेश्वर गाउँपालिका ४ स्थित समाजसेवी कृषि सहकारी संस्था लिमिटेडको १६ औं साधारणसभा सम्पन्न भएको छ । शनिबार बटेश्वर बजारमा संस्थाका अध्यक्ष राममणि कुशवाहको अध्यक्षता तथा नेपाली काँग्रेसका गाउँपालिका सभापति रामचन्द्र कुशवाहाको प्रमुख आतिथ्यमा सम्पन्न भएको हो ।

साधारणसभामा संस्थाको शेयरसहित कुल पूँजीको आयव्यय ५ करोड ९९ लाख प्रस्तुत गरिएको छ । संस्थामा हाल १५ सय शेयर सदस्य रहेको अध्यक्ष कुशवाहाले जानकारी दिए ।

शेयरदस्यहरुलाई प्रोत्साहनस्वरुप संस्थाको आम्दानीबाट शेयरकित्ता अनुसार कुकर, कठौती र कराही वितरण गरिएको छ ।
साधारणसभाको विशिष्ट अतिथिमा गाउँपालिका वडा नं. १ का वडाध्यक्ष अशोक कुमार महतो, वडा नं. ४ का अध्यक्ष निरज कार्की, कार्यपालिका सदस्य किशोरीशरण पण्डित लगायतको उपस्थिति थियो । कार्यक्रमको संचालन तथा उदघोषण विजय दासले गरेका थिए ।