एमाले नेता नेम्वाङको आज राजकीय सम्मानको साथ अन्त्येष्टि गरिँदै

टुडेपाटी-
जनकपुरधाम,भदौ २८ गते ।

नेकपा एमालेका उपाध्यक्ष एवं संविधानसभा अध्यक्ष तथा स्व.सुवासचन्द्र नेम्वाङको आज राजकीय सम्मानका साथ अन्त्येष्टि गरिँदै छ । केहीबेर अघि उनको शव अन्त्येष्टिका लागि बालुवाटार निवासबाट निकालिएको छ । बालुवाटारबाट शवयात्रासहित उनको पार्थिव शरीर पशुपतितर्फ लगिएको हो ।

शव यात्रामा नेकपा एमालेका नेता कार्यकर्ता, समर्थक शुभेच्छुक सहभागी छन् । बालुवाटारबाट टिचिङ अस्पताल, नारायणगोपाल चोक, धुम्वाराही, चाबहिल हुँदै पशुपतिसम्म शव यात्रा गरिने नेकपा एमालेले जनाएको छ ।

Sponsored

नेम्वाङको मंगलबार राति हृदयघातबाट मृत्यु भएको थियो । नेम्वाङको शोकमा आज सरकारले देशभर सार्वजनिक बिदा दिएको छ ।