सिरहामा आफूलाई सई हुँ भन्दै नक्कली हतियार देखाएर रकम असुली गर्ने पक्राउ

टुडेपाटी-
जनकपुरधाम, भदौ ७ गते ।

सिरहाबाट नक्कली सई नक्कली हतियारसहित पक्राउ परेका छन् ।
बरियारपट्टी गाउँपालिका वडा नम्बर ३ मा नेपाल प्रहरीको सदा पोसाकको प्रहरी सहायक निरीक्षक (सई) हुँ भन्दै व्यापारीलाई थर्काउँदै गरेको अवस्थामा सशस्त्र प्रहरी बलले पक्राउ गरेको हो ।

पक्राउ पर्नेमा लक्ष्मिपुर पतारी गाउँ पालिका १ बस्ने वर्ष अन्दाजी ४० का कुमोद कुमार साह छन् ।

भारतको लदनियाबाट नेपालको दसगजा क्षेत्रमा व्यापारी र सर्वसाधारणलाई नक्कली हतियार देखाएर तर्साउने गरेको अवस्थामा सशस्त्र प्रहरी बल बरियारपट्टीले पक्राउ गरेको हो ।

उनलाई थप अनुसन्धानको लागि जिल्ला प्रहरी कार्यालय सिरहा पठाएको सशस्त्र प्रहरीका सहायक प्रहरी निरीक्षक कृष्ण थापा जानकारी दिए ।