मधेश प्रदेशः सशस्त्रका एसपी थपलियाको निधन

टुडेपाटी–
जनकपुरधाम, भदौ २ गते ।

पर्सा जिल्लामा कार्यरत रहेका सशस्त्र प्रहरी बलका प्रहरी उपरीक्षक सुमन थपलियाको निधन भएको छ।

शनिबार बिहान एसपी थपलियाको निधन भएको प्रमुख जिल्ला अधिकारी हिरालाल रेग्मीले जानकारी दिए।

हृदयघात भएर उनको मृत्यु भएको प्रमुख जिल्ला अधिकारी रेग्मीले बताए।

उनी बिहान ११ः०५मा साइकलिङ गरेर कार्यालयमा पुगेका थिए ।

कार्यालयमा पुगेका थपलिया १५ मिनेट बेहोस भएका थिए। त्यसपछि उनको मृत्यु भएको प्रमुख जिल्ला अधिकारी रेग्मीले बताए ।