महोत्तरीमा खेत जोत्ने क्रममा ट्याक्टरले किचिएर चालकको मृत्यु
टुडेपाटी-
जनकपुरधाम, साउन ३१ गते ।
महोत्तरीमा खेतजोत्ने क्रममा ट्याक्टरले किचिएर एक जनाको मृत्यु भएको छ । मृत्यु हुनेमा पिपरा गाउँपालिका ४ का ३५ वर्षीय कृष्णकुमार मिश्र छन् ।
बुधबार ज १ त ८१५३ नम्बरको ट्याक्टरले खेत जोतिरहेका बेला ट्याक्टर पल्टिदा उनको किचिएर मृत्यु भएको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।
Sponsored
स्थानीयले उद्धार गर्ने प्रयास गरेपनि घटनास्थलमै मृत्यु भएको प्रहरीले जनाएको छ । घटना विषयमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
