मधेश प्रदेश : धनुषा र सप्तरीका सिडिओको सरुवा

टुडेपाटी-
जनकपुरधाम, साउन ३० गते ।

गृह मन्त्रालयले चार जिल्लाका प्रमुख जिल्ला अधिकारी (सीडीओ) को सरुवा गरेको छ । धनुषा, सप्तरी, चितवन र नुवाकोटका प्रमुख जिल्ला अधिकारीको सरुवा गर्ने निर्णय गृहमन्त्रालयले गरेको हो ।

सप्तरीका सीडीओ भुपेन्द्र थापालाई चितवन र धनुषाका सिडिओ काशीराज दहाललाई कारागार व्यवस्थापन विभागको महानिर्देशकमा सरुवा गरेको गृहमन्त्रालयले जनाएको छ ।

कारागार व्यवस्थापन विभागका महानिर्देशक चक्रपाणि पाण्डेलाई धनुषाको सीडीओ बनाइएको जनाइएको छ ।

चितवनका सिडिओ सुरेन्द्र पौड्याललाई नुवाकोट र नुवाकोटका सिडिओ किरण थापालाई सप्तरी जिल्लामा सिडिओको जिम्मेबारीमा सरुवा गरेको हो ।