जनकपुरका पत्रकारमा कोरोना संक्रमण नरहेको पुष्टि
टुडेपाटी-
जनकपुरधाम, वैशाख २७ गते ।
विश्वव्यापी महामारी रुपमा फैलिएको कोरोना भाइरसको अवस्थामा अग्रपंक्तिमा रहेर काम गर्ने धनुषाका पत्रकारहरुमा कोरोना संक्रमण नरहेको पुष्टि भएको छ ।
बुधबार विभिन्न संचारमाध्यममा कार्यरत २३ जना पत्रकारका स्वाब संकलन गरिएको थियो । संकलन गरिएको सबैको परीक्षण रिपोर्ट नेगेटिभ आएको पत्रकार महासंघ प्रदेश २ का महासचिव किरण कर्णले बताएका छन् ।
उनले भने पीसीआर विधिबाट गरिएको परीक्षणमा सबैको रिपोर्ट नेगेटिभ आएको छ ।
नेपाल पत्रकार महासंघ धनुषा शाखाको समन्वयमा श्रीनाथ गण धनुषा महेन्द्रनगरको नेपाली सेनाको सहयोग र प्रादेशिक अस्पताल जनकपुरधामको प्राविधिक प्रयोगशालाको टोलीले बुधबार पत्रकारको स्वाव संकलन गरेको थियो ।
Sponsored