धनुषामा मल तथा कृषि औजार कारखाना निर्माण सुरु, एक वर्षभित्रै उत्पादन सुरु गर्ने लक्ष्य

टुडेपाटी

जनकपुरधाम, असार १८ गते ।

धनुषामा मल तथा कृषि औजार कारखाना निर्माण सुरु भएको छ । एग्रोटेक कम्पनी क्रप साइन्स नेपालले मिथिला नगरपालिका स्थित पुष्पलपुरमा अत्याधुनिक मल तथा कृषि औजार कारखानाको निर्माण सुरु गरेको हो । मिथिला नगरपालिकाका मेयर महेन्द्र महतोले उक्त कारखाना निर्माणका लागि शिलान्यास गरेका छन् ।

मेयर महतोको सहयोग र सहजीकरणले उक्त मल तथा कृषि औजार प्लान्ट निर्माण सुरु भएको क्रप साइन्स नेपालले जनाएको छ । उक्त कारखानामा अरविन्द कुमार शाह, अनिल कुमार शाह, अमित ठाकुर र सन्दीप कुमार शाह लगानी रहेको बताइएको छ । देशको कृषि क्षेत्रलाई बलियो बनाउने दिशामा अघि बढ्ने क्रममा कारखाना निर्माण गरिएको क्रप सान्स नेपालले विज्ञप्ती जारी गरी जानकारी दिएको छ ।

नेपालको कृषि उद्योगमा परिवर्तन ल्याउने आफ्नो प्रतिबद्धतालाई मुर्त रुप दिनेतर्फ महत्वपूर्ण कदम अगाडी चालिलएको उसको भनाई छ । नेपालको सन्दर्भमा, मल तथा कृषि औजार कारखानाको स्थापनाले कृषि क्षेत्रको अत्यावश्यक आवश्यकतालाई सम्बोधन गर्ने क्रप साइन्सको दावी छ ।

‘देशका किसानहरूले लामो समयदेखि माटोको पोषक तत्वको कमी, गुणस्तरीय मलमा सीमित पहुँच र कम बाली उत्पादन जस्ता चुनौतिहरूको सामना गर्दै आएका छन्। स्थानीय रूपमा उत्पादित मलको परिचयले यस खाडललाई पूरा गर्न मद्दत गर्नेछ, किसानहरूलाई उनीहरूको बालीहरूको विशेष आवश्यकताहरू पूरा गर्न अनुकूल किफायती र प्रभावकारी मलहरूमा सजिलो पहुँच प्रदान गर्नेछ,’ विज्ञप्तीमा भनिएको छ । मल तथा कृषि औजार कारखानाले एक वर्षभित्रै स्थानीय उत्पादन सञ्चालन गरेर नेपाली कृषकमा मलको पहुँच बढाउने क्रप साइन्सले लक्ष्य राखेको छ ।

परम्परागत रूपमा, किसानहरूले उच्च ढुवानी लागत र सीमित उपलब्धता सहित, गुणस्तरीय मलहरूमा उनीहरूको पहुँचमा बाधा पुर्‍याउने गरी तार्किक चुनौतीहरूको सामना गरेकाले यो प्लान्टको उत्पादन क्षमताले यी अवरोधहरू कम हुने र जसले देशभरका किसानहरूलाई सहज रूपमा मल पहुँच गर्न सक्षम बनाउने विज्ञप्तीमा उल्लेख छ ।

धनुषामा यो कारखानाको स्थापनाले यस क्षेत्रको आर्थिक वृद्धिको प्रतिज्ञा गरेको विज्ञप्तीमा जनाइएको छ । आयोजनाले स्थानीय समुदायका लागि रोजगारीका अवसरहरू सिर्जना गर्ने, आर्थिक गतिविधिलाई प्रोत्साहन गर्ने र क्षेत्रको समग्र विकासमा योगदान पुर्याउने क्रप साइन्सको दावी छ।