रौतहटमा आमा छोरीको हत्या, पतिसहित घरपरिवार फरार

टुडेपाटी-
जनकपुरधाम, असार १६ गते ।

रौतहटमा आमा छोरीको हत्या भएको छ । मौलापुर नगरपालिका ४ बौधा पतौराका २४ वर्षीया कविता देवी साह र छोरी करिब दुई वर्षीया रोही कुमारी साहको गए राति हत्या भएको हो ।

छोरीको शव घरको पंखामा झुण्डेको अवस्थामा आज बिहान भेटिएको छ । कविता देवीको शव आगनमा फेला परेको रौतहटका प्रहरी प्रवक्ता डिएसपी उमाशंकर यादवले जानकारी दिए ।

Sponsored

घटना पश्चात कविताकी पति विरेन्द्र कुमार साहसहित घरपरिवार फरार भएका छन् । घटनास्थलमा प्रहरी पुगेर अनुसन्धान गरिरहेका छन् ।
माइत पक्षले छोरी र नातिनाको हत्या भएको दावी गरेको छ ।