जनमत पार्टीले बजेटको समर्थन नगर्ने

टुडेपाटी-
काठमाडौं, असार १३ गते ।

सत्ता घटक दल जनमत पार्टीको संसदीय दलको बैठकले आर्थिक वर्ष २०८०/८१ को बजेटको समर्थन नगर्ने निर्णय गरेको छ।

जनमतका अध्यक्ष डा. सीके राउतले गरीब र मधेशी जनताको हितमा नरहेका कारण बजेटलाई समर्थन नगर्ने निर्णय गरिएको बताए।

उनले देशकै अर्थतन्त्र धराशायी भइराखेको वेलामा लूटतन्त्रमुखी कार्यकर्ता पोस्न ल्याइएको असमान बजेट कुनै पनि हालतमा स्वीकार्य नहुने बताए ।

जनमत पार्टी मन्त्री पदकै लोभमा अरू पार्टी जस्तो समर्थन नगर्ने उनले बताए ।

डेढ महीना बजेटमाथि बहस गर्ने तर अन्तिममा आएर त्यही बजेटलाई संशोधन विना समर्थन गरिदिने निरर्थक संसदीय अभ्यास रहेकाले जनमत पार्टीले समर्थन नगर्ने निर्णय गरिएको जनमत पार्टीले जनाएको छ।