आज मधेशसहित देशको विभिन्न स्थानमा वर्षाको सम्भावना

टुडेपाटी-
जनकुपरधाम, जेठ ३० गते ।

आज दिउँसो मधेश प्रदेशसहित देशको विभिन्न भागमा मेघगर्जनसहित हल्कादेखि मध्यम वर्षाको सम्भावना रहेको छ । बिहान ६ बजे मौसम पूर्वानुमान महाशाखाले जारी गरेको मौसम बुलेटिनमा कोशी, मधेश, बागमती र गण्डकी प्रदेशका केही स्थानहरूमा वर्षाको सम्भवान रहेको उल्लेख छ ।

बाँकी प्रदेशका पहाडी भू–भागका एक–दुई स्थानमा मेघ–गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।
यस्तै राति कोशी, बागमती र गण्डकी प्रदेशको पहाडी भू–भागका केही स्थानहरूमा मेघ–गर्जन÷चट्याङ्ग सहित हल्का देखि मध्यम वर्षाको सम्भावना रहेको छ ।

Sponsored

साथै मधेश प्रदेश लगायत देशका बाँकी पहाडी भू–भागका थोरै स्थानमा मेघ–गर्जन÷चट्याङ्ग सहित क्षणिक वा हल्का वर्षाको सम्भावना रहेको महाशाखाले जनाएको छ ।