जनकपुरबाट काठमाडौं उड्न लागेको वुद्ध एयरको विमानभित्र यात्रुले धुवाँ देखेपछि….

टुडेपाटी-
जनकपुरधाम, जेठ २९ गते ।

जनकपुरदेखि काठमाडौं उड़ान भर्न लागेको बुद्ध एअरको विमानमा धुवाँ देखिपछि उडान रद्द गरिएको छ । यु४–५०८ नम्बरको बुद्ध एयरको विमान साँझ ५ः३७ मा काठमाडौंका लागि उडान भर्ने क्रममा अचानक धुवाँ देखिएको एक यात्रीले बताएपछि उडान रद्द गरिएको हो ।

विमानमा धुँवा देखेपछि यात्रीहरु अत्तालिएका थिए । उडान रद्द गरी विमान पुनः पार्किङ्गमा फर्काएको छ । टेक्निकल टिमले विमान भित्र खराबी रहे वा नरहेको हेरिरहेको वुद्ध एयरका जनकपुर प्रमुख विजय सिंहले बताए ।

Sponsored

‘टेक्निकल टिमहरुले देखिरहेका छन् । कहाँ के फल्ट छ भनेर । अर्को विमानबाट यात्रीहरुलाई काठमाडौं पठाइएको छ’ सिंहले भने ।