मधेश स्वास्थ्य विज्ञान प्रतिष्ठानका उपकुलपति डा. रामकेवल साहको निधन

टुडेपाटी-
जनकपुरधाम, जेठ २५ गते ।

मधेश स्वास्थ्य विज्ञान प्रतिष्ठानका उपकुलपति डा. रामकेवल साहको निधन भएको छ ।

झण्डै दुई महिनादेखि लिभर क्यान्सरबाट पीडित डा. साहको दिल्लीको एक अस्पतालमा आज बिहान उपचारको क्रममा निधन भएको पारिवारिक स्रोतले जनाएको छ ।

काठमाडौंमा उपचार सम्भव नभएपछि एक साताअघि उनलाई दिल्ली लगिएको थियो ।

उनी मधेशकम एक चर्चित कुशल अनुभवी नशा तथा हाडजोर्नी रोग विशेषज्ञ थिए । तीन वर्ष अघि उनलाई मधेश प्रदेश सरकारले मधेश स्वास्थ्य विज्ञान प्रतिष्ठान स्थापना गरी उपकुलपतिमा डा. साहलाई नियुक्त गरेको थियो ।