प्रधानमन्त्री प्रचण्ड आज स्वदेश फर्किंदै
टुडेपाटी-
काठमाडौँ, जेठ २० गते ।
चार दिने भारत भ्रमण सकेर प्रधानमन्त्री पुष्पकमल दाहाल ‘प्रचण्ड’ शनिबार स्वदेश फर्किँदैछन्।
यही जेठ १७ मा भारत भ्रमणमा गएका प्रधानमन्त्री प्रचण्ड विभिन्न महत्त्वपूर्ण भेटघाट र सम्झौता गरेर स्वदेश फर्किन लागेका हुन्।
Sponsored
प्रधानमन्त्री दाहाल शुक्रबार भारतको मध्यप्रदेशको इन्दोर पुगेका छन्।
उनी आज त्यहाँको विशेष आर्थिक क्षेत्रको भ्रमण सकेर दिल्ली फर्किने छन्।
दिल्लीबाट दिउँसो साढे ४ बजे नेपाल एयरलाइन्सको उडानबाट काठमाडौँ फर्किने कार्यक्रम तय भएको छ।
Sponsored
भारत भ्रमणका क्रममा प्रधानमन्त्री स्तरीय भेटवार्तासहित केही सम्झौताहरू भएका छन्।
