रेशम चौधरी जेलबाट रिहा

टुडेपाटी-
जनकपुरधाम, जेठ १५ गते ।

टिपापुर घटनामा जन्मकैदको सजाय भोगिरहेका रेशमलाल चौधरी जेलबाट रिहा भएका छन् ।

गणतन्त्र दिवसको अवसरमा राष्ट्रपति रामचन्द्र पौडेलबाट आममाफी पाएपछि चौधरी आज बिहानै कारागारबाट रिहा भएका हुन् ।
गत आइतबार बसेको मन्त्रिपरिषद् बैठकले रेशमको करिब १५ वर्ष कैद सजाय माफी गर्न सिफारिस गरेको थियो । पाँच वर्ष तीन महिना जेल सजाय काटेका चौधरीको १४ वर्ष ९ महिना जेल सजाय छुट भएको हो ।

Sponsored

यसपटक चौधरीसहित १९ जनाले संविधानको धारा २७६ र मुलुकी फौजदारी कार्यविधि संहिताको दफा १५९ बमोजिम गणतन्त्र दिवसको उपलक्ष्यमा माफी पाएका छन् ।