रेशम चौधरीसहित १९ जनालाई आममाफी

टुडेपाटी–
काठमाडौँ, जेठ १४ गते ।

गणतन्त्र दिवसको अवसरमा राष्ट्रपति रामचन्द्र पौडेलले ५०१ जना कैदीबन्दीलाई आममाफी तथा कैद मिनाह गरेका छन्।

जसमा १९ जनालाई आममाफी र बाँकीको कैद मिनाह भएको हो।

सरकारको सिफारिसमा राष्ट्रपति पौडेलले गणतन्त्र दिवसको अवसरमा उनीहरुको कैद सजाय मिनाह गरेको राष्ट्रपति कार्यालयले जनाएको छ।

राष्ट्रपति पौडेलले रेशम चौधरीसहित १९ जनालाई आममाफी र ४८२ जनाको कैद मिनाह गरेका हुन्।

मन्त्रिपरिषद्को जेठ १२ र १४ गतेको बैठकको सिफारिसअनुसार उनीहरुको कैद मिनाह गरिएको हो।

भोलिदेखि लागू हुने गरी कैदीबन्दीको कैद मिनाह गरिएको हो।