रेशम चौधरीलाई आममाफी आममाफी दिन बढाएको प्रक्रिया रोक्न जनमोर्चाको माग

टुडेपाटी-
जनकपूरधाम, जेठ १२ गते ।

राष्ट्रिय जनमोर्चाले टिकापुर हत्याकाण्डका मुख्य दोषी रेशम चौधरीलाई आममाफी आममाफी दिन सरकारले अघि बढाएको प्रक्रिया रोक्न माग गरेको छ ।

सर्वोच्च अदालतले चौधरीलाई तोकेको सर्वस्वसहितको जन्मकैदलाई आममाफी दिन लागेको भन्दै पार्टी अध्यक्ष चित्रबहादुर केसीले एक विज्ञप्ती जारी गर्दै आपत्ति जनाएका हुन् ।

आफ्नो सरकार टिकाउन गरिएको राजनीतिक सौदाबाजी मात्र भएको अध्यक्ष केसीको ठहर छ ।

विज्ञप्तिमा भनिएको छ,‘टिकापुर हत्याकाण्ड कुनै राजनीतिक नभएर आम नरसंहारको घटना थियो । त्यो घटनाका मुख्य नाइकेलाई गणतन्त्र दिवसको उपलक्ष्यमा आममाफी दिई कैद मिनाहा गराउन सरकारले अगाडि बढाएको प्रक्रिया आफ्नो सरकार टिकाउन गरिएको राजनीतिक लेनदेन वा सौदाबाजी मात्र हो ।’