जसपा संसदीय दलको नेतामा यादव

टुडेपाटी–
काठमाडौँ, जेठ ८ गते ।

जनता समाजवादी पार्टी (जसपा) नेपालका संसदीय दलको नेतामा पार्टीका केन्द्रीय अध्यक्ष उपेन्द्र यादव चयन भएका छन् ।

सोमबार जसपा संसदीय दलको बसेको बैठकले यादवलाई सर्वसम्मत रूपमा चयन गरेको पार्टीका एक नेताले जानकारी दिए।

यादव यहि वैशाख १० गते भएको उपनिर्वाचनमा बारा क्षेत्र नम्बर २ बाट निर्वाचित भएर संसद यात्रा तय गरेका हुन् ।

गत मंसिरमा भएको निर्वाचनमा सप्तरी क्षेत्र नं २ बाट उनी पराजित भएका थिए ।

प्रतिनिधि सभामा जसपाका १२ जना सांसद छन्।