मेक्सिकोमा यात्रुवाहक भ्यान र मालवाहक ट्रक ठोक्किदा २६ जनाको मृत्यु

एजेन्सी-
जनकपुरधाम, जेठ १ गते ।

उत्तर अमेरिकी देश मेक्सिकोमा सवारी दुर्घटना हुँदा २६ जनाको मृत्यु भएको छ।

उत्तरी राज्य तमौलिपासस्थित ज्वलंत राजमार्गमा आइतबार एउटा यात्रुवाहक भ्यान र मालवाहक ट्रक ठोक्किएका थिए।

दुर्घटनास्थलमा ट्रेलरको अगाडिको भाग भेटिएको छैन। चालक ट्रेलरको ट्र्याक्टर भाग चलाएर भागेको अनुमान गरिएको छ। चालकको खोजी भइरहेको त्यहाँको प्रहरीले जनाएको छ।

भ्यानमा परिवारका सदस्यहरू घुमघामका लागि निस्किएका थिए। फेला परेका कागजातअनुसार उनीहरू मेक्सिको नजिकैको सहरका बासिन्दा रहेको खुलेको छ।