प्रधानमन्त्री प्रचण्ड, देउवा र ओली छलफलमा

टुडेपाटी–
काठमाडौँ, बैशाख २७ गते ।

प्रमुख तीन दलका शीर्ष नेताहरुबीच छलफल जारी छ।

प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवा र एमाले अध्यक्ष केपी शर्मा ओली सिंहदरबारमा छलफलमा बसेका हुन्।

बैठकमा संक्रमणकालीन न्याय र समसामयिक राजनीतिबारे छलफल भइरहेको बुझिएको छ। मंगलबार पनि शीर्ष नेताहरुले छलफल गरेका थिए।

पछिल्लो समय नक्कली भुटानी शरणार्थी प्रकरण सार्वजनिक भएपछि प्रमुख राजनीतिक दलका नेताहरुबीचको भेटघाट बाक्लिदै गएको छ।