बारा २ मा १ बजेसम्ममा २५ प्रतिशत मतदान

टुडेपाटी–
जनकपुरधाम, बैशाख १० गते ।

बारा क्षेत्र नम्बर–२ मा मध्यान्ह १ बजेसम्म २५ प्रतिशत मत खसेको छ ।

आइतबार भइरहेको उपनिर्वाचनमा २५ प्रतिशत मत खसेको निर्वाचन आयोगले जनाएको छ ।

प्रमुख निर्वाचन अधिकृत मुकेश उपाध्यायका अनुसार बारा–२ मा ८३ मतदानस्थलका १३७ मतदान केन्द्रमा मतदान भइरहेको छ ।

यस निर्वाचन क्षेत्रमा १ लाख ५ हजार २४८ जना मतदाता रहेको जिल्ला निर्वाचन कार्यालय बाराले जनाएको छ ।

जिल्ला निर्वाचन कार्यालयका प्रमुख सरोज चौधरीका अनुसार बारा–२ मा नेकपा एमालेबाट पुरूषोत्तम पौडेल, जसपाबाट उपेन्द्र यादव, राष्ट्रिय स्वतन्त्र पार्टीबाट रमेश खरेल, जनमत पार्टीबाट शिवचन्द्र कुशवाहा, नेमकिपाबाट मुक्ति यादव, आम जनता पार्टीबाट अरूण ज्ञवालीलगायतका उम्मेदवार चुनावी प्रतिस्पर्धामा छन् ।