छिट्टै निजगढ विमानस्थल शिलान्यास गर्छौं : प्रधानमन्त्री प्रचण्ड

टुडेपाटी–
बारा, बैशाख ७ गते ।

प्रधानमन्त्री पुष्पकमल दाहाल ‘प्रचण्ड’ ले छिट्टै निजगढ विमानस्थल शिलान्यास गरिने बताएका छन् ।

बिहीबार सत्ता गठबन्धनको चुनावी सभामा बोल्दै नेकपा माओवादी केन्द्रका अध्यक्ष समेत रहो प्रचण्डले यस्तो कुरा बताएका हुन् ।

उनले भने, ‘पोखरा अन्तर्राष्ट्रिय विमानस्थल उद्घटनका बेला मैले भनेको थिएँ । निजगढ विमानस्थल छिट्टै अगाडि बढाउँछौँ । म तपाईहरूसामु प्रतिवद्धता व्यक्त गर्छु, निजगढ विमानस्थलको गृहकार्य सम्बन्धि काम सकेर छिट्टै यसको शिलान्यास गरिनेछ ।’

प्रधानमन्त्री प्रचण्डले गढीमाइलाई अन्तर्राष्ट्रिय पर्यटनको केन्द्र बनाउन पनि पहल हुने बताए ।