बिपी राजमार्गमा कार दुर्घटना हुँदा चार भारतीयको मृत्यु

टुडेपाटी-
जनकपुरधाम, चैत २९ गते ।

सिन्धुलीमा कार दुर्घटना हुँदा चारजना भारतीय नागरिरको मृत्यु भएको छ ।

विपी राजमार्ग अन्तर्गत कमलामाई नगरपालिका–३ गढीगेट नजिक कारमंगलबार राति साढे १२ बजे भारतीय नम्बरप्लेटको बीआर०६ डिडी ०६८७ कार दुर्घटना भएको हो ।

मृत्यु हुने चारैजना पुरुष छन् । जिल्ला प्रहरी कार्यालय सिन्धुलीका डीएसपी चिरञ्जीवी दाहालका अनुसार तीन जनाको घटनास्थलमा र एक जनाको उपचारका क्रममा सिन्धुली जिल्ला अस्पतालमा मृत्यु भएको हो ।

दुर्घटनामा एक जना पुरुष घाइते भएका छन् । उनलाई उपचारका लागि धुलिखेल पठाइएको डीएसपी दाहालले बताए ।