जनकपुरधाम मेयर कप टी–२० मा सप्तरी ५ रनले विजयी

टुडेपाटी–
जनकपुरधाम, चैत २७ गते ।

जनकपुरधाम मेयर कप टी–२० प्रतियोगिता अन्तरगत सोमबार भएको दोस्रो खेलमा सप्तरीले काठमाडौँ टिमलाई ५ रनले पराजित गरेको छ ।

टस जितेर ब्याटिङ्ग गरेको सप्तरीले २० ओभरमा ७ विकेट गुमाउँदै १०१ रन बनाएर काठमाडौँलाई १०२ रनको लक्ष्य दिएकोमा ओभरनमा ९ विकेट गुमाउँदै ९६ रन मात्र बनाउन सके ।

टस जितेर ब्याटिङ्ग गरेको सप्तरीको तर्फबाट रोशन विकले सर्वाधिक ४० रन बनाए । यस्तै, अभिशेक कार्कीले १२ र विकास दासले १० रन बनाउँदा बाँकी खेलाडीले दोह्रो अंकमा रन बनाउन सकेनन् ।

बलिङ्गमा काठमाडौँका इशान पाण्डे र गजेन्द्र बोहराले ४/४ विकेट लिए भने गौतम केसीले १ विकेट लिए ।

१०२ रनको लक्ष्य लिएर ब्याटिङ्ग गर्न आएका काठमाडौँ २० ओभरमा ९ विकेट गुमाउँदै ९६ रन मात्र बनाउन सके ।

काठमाडौँको तर्फबाट अशोक पौडेलले सर्वाधिक २४ रन बनाउँदा गजेन्द्र बोहरा १७, खडक बोहरा ११ र समिर कँडेलले १० रन बनाए । बाँकी खेलाडी दोह्रो अंकमा रन बनाउन सकेनन् ।