जनकपुरधाम मेयर कप टी–२० मा बारा ५३ रनले विजयी
टुडेपाटी-
जनकपुरधाम, चैत २६ गते ।
जनकपुरधाम मेयर कप टी–२० मा आइतबार भएको पहिलो खेलमा बारा ५३ रनले विजयी भएको छ ।
टस हारेर ब्याटिङ्ग गरेको बाराले निर्धारित २० ओभरमा ७ विकेट गुमाएर १३७ रन बनाएकोमा रौतहट १३.४ ओभरमा सबै विकेट गुमाउँदै ८४ रन मात्र बनाउन सके ।
Sponsored
टस हारेर ब्याटिङ्ग गरेको बाराको तर्फबाट तिर्थराज दासले ३७ रन बनाए । यस्तै, निखिल सिंह अविजित २८, पवन सर्राफ २६, अर्निको यादव १६ रन बताए । बाँकी खेलाडी दोह्रो अंकमा रन बनाउन सकेनन् ।
बलिङ्ग तर्फ रौतहटका धर्मेन्द्र साहले २ विकेट लिए भने विनोद सहनी, रंजित मुखिया, सन्नी साह र आशिक साहले १÷१ विकेट लिए ।
१३८ रनको लक्ष्य पाएको रौतहटले सबै विकेट गुमाउँदै ८४ रन मात्र बनाउन सके । रौतहटको तर्फबाट अरविन्द चौधरीले अविजित १७ रनको पारि खेले भने शैलेन्द्र कुशवाहा १३, नितेश यादव १२, विपिन सहनीले १२ रन बनाए । बाँकी खेलाडी दोह्रो अंकमा रन बनाउन सकेनन् ।
Sponsored
बलिङ्गमा बाराका कुमार थापाले ४ ओभरमा १८ रन दिएर ४ विकेट लिए भने अर्निको यादवले ३, पवन सर्राफले २ र अनिल कुमार साहले १ विकेट लिए ।
