जनकपुरधाम मेयर कप टी–२० : बारा २० रनले विजयी
टुडेपाटी–
जनकपुरधाम, चैत २४ गते ।
जनकपुरधाममा जारी जनकपुरधाम मेयर कप टी–२० प्रतियोगितामा बाराले हेटौडालाई २० रनले पराजित गरेको छ ।
शुक्रबार निर्माणाधिन रामजानकी बहुउदेश्यी रंगशालामा टस जितेर ब्याटिङ्ग गरेको बाराले निर्धारित २० ओभरमा १४४ रन बनाएकोमा जवाफी ब्याटिङ्ग गरेको हेटौँडाले १२४ रन मात्र बनाउन सके ।
Sponsored
टस जितेर ब्याटिङ्ग गरेको बाराको तर्फबाट साहिल पटेलले सर्वाधिक ४१ रन बनाए । यस्तै, अर्निको यादवले अविजित ३४ रन बनाए भने पवर सर्राफले २४, तिर्थराज दास २०, अनिल कुमार साह ९, मेघराज महरा २ र निखिल कुमार सिंहले १ रन बनाए ।
बलिङ्ग तर्फ हेटौँडाका विशाल फुयालले २, राम नरेश गिरी, रिजन ढकाल र सुभ कान्सकरले समान १÷१ विकेट लिए ।
१४५ को लक्ष्य पाएको हेटौँडाले निर्धारित २० ओभरमा १२४ रन मात्र बनाउन सके । हेटौँडाको तर्फबाट विशाल फुयालले सर्वाधिक २१ रन बनाए । यस्तै, शुभ कन्सकरले १७, असिम श्रेष्ठले १७, सुमन सुनारले १३, विशेष थापाले १२ रन बनाए ।
Sponsored
बलिङ्गमा बाराका अनिल कुमार साहले ३ विकेट लिए भने कुमार थापा र अर्निको यादवले २÷२, पवन सर्राफ र निखिल कुमार सिंहले १÷१ विकेट लिए ।
ब्याटिङ्गमा अविजित ३४ रन र बलिङ्गमा २ विकेट लिएका बाराका अर्निको यादवलाई म्यान अफ द म्याच दिइएको हो ।
यस्तै, आजको दोस्रो खेल महोत्तरी र सिरहाबीच भइरहेको छ ।
