उपेन्द्र यादव १ बजे उम्मेदवारी दर्ता गराउने

टुडेपाटी-
बारा, चैत २० गते ।

बारा क्षेत्र नम्बर–२ मा वैशाख १० हुने उपनिर्वाचनका लागि आज उम्मेदवारहरुको मनोनयन दर्ता हुँदैछ ।

यस क्षेत्रबाट जनता समाजवादी पार्टी (जसपा) नेपालका अध्यक्ष उपेन्द्र यादव उम्मेदवार रहेका छन् ।

अध्यक्ष यादवले आज  दिउँसो १ बजे मात्र उम्मेदवारी दर्ता गर्ने कार्यक्रम रहेकाे जसपा नेपाल मधेश प्रदेशका अध्यक्ष रामबाबु कुमार यादवले जानकारी दिए । 

नेता तथा कार्यकर्ता जम्मा गर्नुपर्ने तथा गाउँमा कृषि कर्म चलिरहेकाेले दिउँसो मात्रै उम्मेदवारी दर्ता गर्न लागिएको उनले बताए ।

यस क्षेत्रमा यादवसँगै एमालेका पुरुषोत्तम पौडेल, रास्वपाका रमेश खरेल, जनमतका शिवचन्द्र कुशवाह, राप्रपाका सोनेलाल शाह, हाम्रो नेपाली पार्टीका चन्द्रप्रकाश सुवेदी, नागरिक उन्मुक्ति पार्टीका रामचन्द्र चौधरी लगायतले उम्मेदवारी दिने छन् ।