मधेश प्रदेशका डीआईजीसहित ५ जनालाई एआईजीमा बढुवा गर्ने सरकारको निर्णय

टुडेपाटी–
काठमाडौं, चैत ६ गते ।

सरकारले ५ जना प्रहरी नायब महानिरीक्षक (डीआईजी)लाई प्रहरी अतिरिक्त महानिरीक्षक (एआईजी)मा बढुवा गरेको छ ।

सोमबार बसेको मन्त्रीपरिषद बैठकले गृहमन्त्रालयको सिफारिसअनुसार डीआईजीहरू बसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआईजीमा बढुवा गरेको हो ।

गृहले भावी प्रहरी महानिरीक्षक चयन हुनु १५ दिन अघि उनीहरूलाई एआईजीमा बढुवा गर्न सिफारिस गरेको थियो ।

अहिलेको ३० वर्षे सेवा अवधि कायमै रहे प्रहरी महानिरीक्षक धिरजप्रताप सिंह ११ चैतबाट अनिवार्य अवकाशमा जानेछन् ।

त्यसपछि अहिले बढुवा भएका ५ जनामध्येबाटै एकजना प्रहरीको नेतृत्व छनौट हुनेछ ।