त्रिवि मैदानमा तत्काल ‘फ्लड लाइट’ र ‘स्कोर बोर्ड’ जडान गर्न प्रधानमन्त्री प्रचण्डको निर्देशन

टुडेपाटी–
काठमाडौँ, चैत ३ गते ।

प्रधानमन्त्री पुष्पकमल दाहाल प्रचण्डले कीर्तिपुरस्थित त्रिवि क्रिकेट मैदानमा तत्काल आधुनिक फ्लड लाइट र स्कोर बोर्ड जडान गर्न निर्देशन दिएका छन् ।

राष्ट्रिय खेलकुद परिषद्लाई प्रधानमन्त्रीले तत्काल आधुनिक फ्लड लाइट र स्कोर बोर्ड जडान गर्न निर्देशन दिएका हुन् ।

सुविधासम्पन्न क्रिकेट रंगशाला निर्माण कार्य तीव्रताका साथ अघि बढाउन सरकारको तर्फबाट प्रयास भइरहेको प्रधानमन्त्री प्रचण्डले बताए ।

उनले भने, “कीर्तिपुरमा जाँदा मैले हिजो फ्लड लाइट र स्कोर बोर्ड फेर्न तत्काल अघि बढाउन राष्ट्रिय खेलकुद परिषद्लाई निर्देशन दिन्छु । त्यसका लागि आवश्यक साधन श्रोतको व्यवस्था सरकारकाले गर्नेछ । सुविधासम्पन्न क्रिकेट रंगशाला निर्माण कार्य तीव्रताका साथ अघि बढाउन सरकारको तर्फबाट प्रयास भइरहेको छ । देशका विभिन्न ठाउँमा, अझ चितवनमा । त्यहाँ देखिएका समस्याहरुलाई हेरेर हामी अघि बढिरहेका छौँ ।”

यसैबीच सरकारले विश्वकप क्रिकेटको क्वालिफायरमा छनोट भएका सम्पूर्ण खेलाडीलाई जनही तीन लाख रुपैयाँ पुरस्कार दिने घोषणा गरेको छ ।