मधेश प्रदेशका डीआईजीसहित ५ जना एआईजीका लागी सिफारिस

टुडेपाटी-
काठमाडौं, फागुन २६ गते ।

मधेश प्रदेशका डीआईजीसहित नेपाल प्रहरीका ५ जना प्रहरी नायब महानिरीक्षिकहरू प्रहरी अतिरिक्त महानिरीक्षक (एआईजी)मा बढुवा सिफारिस भएका छन्।

शुक्रबार गृह मन्त्रालयअन्तर्गतको बढुवा समितिको बैठकले डीआईजीहरू वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआईजीमा बढुवा गर्न सिफारिस गरेको हो।

गृह मन्त्रालयले राष्ट्रपतिको निर्वाचनअघि आचारसहिंता लाग्ने भएपछि बढुवाका लागि अनुमति माग गर्दै निर्वाचन आयोगमा पत्र पठाएको थियो।

आयोगले अनुमति दिएसँगै शुक्रबार पाँच जनालाई एआईजीमा बढुवा सिफारिस गरिएको हो।