जनकपुरधामसहित मिथिलाञ्चल क्षेत्रमा आज होली मनाइँदै

टुडेपाटी-
जनकपुरधाम, फागुन २४ गते ।

रंगअविरको पर्व होली आज जनकपुरधामसहित मिथिलाञ्चल क्षेत्रमा हर्सोल्लासपूर्वक मनाइँदै छ । मिथिला मध्यमा परिक्रमा सम्पन्न भएको भोलिपल्ट मिथिलाञ्चलमा होली पर्व मनाउने प्रचलन रहेको छ ।

हिजो मंगलबार जनकपुरधामको अन्तरगृह परिक्रमा गरी १५ दिने मिथिला मध्यमा परिक्रमा सम्पन्न भएपछि आज जनकपुरधामसहित मिथिलाञ्चल क्षेत्रमा घर घरमा मिष्टान परिकार पकाएर खाँदै रंगअविर लगाएर होली मनाइँदै छ ।

Sponsored

फागु पूर्णिमाको दिन सोमबार पहाडी क्षेत्रमा होली मनाइएको थियो भने हिजो मंगलबार तराई मधेशमा होली पर्व मनाइएको छ । यधपी मंगलबार माछामासु नखानेले आज होली पर्व मनाउँदै छन् ।