पहाडी क्षेत्रमा आज होली मनाइँदै, तराई मधेशमा भोलि, मिथिलाञ्चलमा पर्सी

टुडेपाटी-
जनकपुरधाम, फागुन २२ गते ।

रंगको पर्व होली आज पहाडी जिल्लाहरुमा हर्षोल्लासका साथ मनाइँदै छ । हरेक वर्ष फाल्गुण शुक्ल पूर्णिमाको दिन पहाडी तथा हिमाली जिल्लामा होलि पर्व मनाइँन्छ ।

पूर्णिमाको भोलिपल्ट तराई तथा भित्री मधेसका जिल्लाहरूमा वसन्त ऋतुका अनेक रङहरूलाई प्रतिविम्बित गर्ने पर्वका रूपमा होली पर्व हर्षोल्लासपूर्वक मनाउने गरिन्छ ।

जनकपुरधामसहित मिथिलाञ्चल क्षेत्रमा भने तेश्रो दिन होलि पर्व मनाउने गरिन्छ । १५ दिने मिथिला मध्यमा परिक्रमा सम्पन्न भएको भेलिपल्ट मिथिलाञ्चलमा होलि पर्व मनाउने प्रचलन छ । त्यसैले जनकपुरधामसहित मिथिलाञ्चल क्षेत्रमा बुधबार मात्र होलि मनाइने छ ।

असत्यमाथि सत्यको, अन्यायमाथि न्यायको र दुराचारमाथि सदाचारको विजय भएको खुसियालीमा मनाइने होली पर्वमा सम्पूर्ण रिसराग परित्याग गरी प्रेमभाव र आत्मीयताका साथ आफन्तजन एवं साथीसङ्गीहरूसँग एकापसमा अबिर तथा रङ दलेर रमाइलो गर्ने परम्परा छ ।
होलि पर्वको अवसरमा सरकारले आज सार्वजनिक विदा दिएको छ ।